Kuv cov paj huam

Subject: Kuv cov paj huam Thu Mar 26, 2015 11:31 am

Hlub koj ib leeg

Vim dab tsi kuv thiaj hlub koj
Mov tsis noj los tsis nco tshaib
Kuv me naib koj nyob qhov twg
Me phooj ywg tus neeg kuv hlub
Ntuj thaum ub kheev txhob ntsib koj
Ntshe nim no twb tsis lwj siab
Kua muag iab twb tsis tau nrog
Yog tham txog lub neej tas los
Kuv tseem nco koj lub suab luag
Kuv xav puag koj rau xub ntiag
Kuv xav hnia thaum koj tsaug zog
Kuv nco txog wb kev sib ntsib
Puag thaum pib nyob zos tojsiab
Koj tus ntxhiab tseem tsw tav no
Raws kuv nco wb tau khiav nkaum
Ntshai lawv caum wb thiaj poob zoo
Ua poj ntxoog sib nyas sib nrhiav
Sib pus khiav txhua txhia thaj chaw
Vim kuv ntshaw koj coj los puag
Lav nyuj nyuag mus tag ib sim xwb tiag....

Subject: Re: Kuv cov paj huam Mon Mar 30, 2015 5:19 am

Ntuj ..e Leej nus hmoob tus nco tshua

Tus txawj qhoob txawj seev

Koj sau ua kuv kabxi lub kua muag teev

Koj nim hais seev yees kho kuv siab khuav

Tiam neej no yuav yog hais tseeb los cuav

Cas nim hais deeg nkauj kabxi siab daws

Cas nim hais raws kiag kabxi zaj

puas yog seev tseeb los seev daj

Yog wb txhob sib paub thaum e"

Ces ziag no NkaujKabXi twb nyob luag ntxhi

Yog wb txhob paub thaum ntxov

Ziag no kabxi twb nyab kaj liag nrog siab sov

Koj nim daj kuv kabxi tso tseg'

Deev kabxi tso plhuav cia

NkaujKabXi nim ua lub neej nrog suab ncia

Me leej nus hmoob Koj nim dag deev

Kuv nkaujkabxi rau tiam tag los

Tiam no nkaujkabxi thiaj tiam ntawv rov los tos

Cas yuav ua tsawg tiam neej los

Tsis nrog luag muaj hmoo os leej nus hmoob

Ntshe yog NKaujKabXi

Tsis muaj daim me ntawv zoo os leej nus hmoob

Cia txhob chim txhob seev ntxiv

Lub siab thiaj tsis mob mob lub plav thiaj tsis kiv

Cia kabxi nyob kom tag nqe

KabXi mam tshwm ntawv lwm tiam rov los

Nrog SKM nyob ua ib cuab pw ua 1 ke

Tseem nco koj tsis ploj os leej nus hmoob tus zoo

Kuv cov paj huam 39488510

Subject: Re: Kuv cov paj huam Mon Mar 30, 2015 11:27 am

NkaujKabXi tus uas kuv nco
Cas nag hmo npau suav pom koj
Kuv xav zoj tias ntshe yog tiag
Thaum hnov kiag nws yog npau suav
Kua muag nchuav tam li dej ntws
Cev tes plhws los plhws tsis tau
Lub siab npau nco koj tsim dheev
Thiaj tau seev qhia rau koj paub
Thiaj saub qhia tias hlub koj
Muab xav zoj nyob nruab dab ntub
Cas kuv hlub koj ua luaj li
Npaum nraug hli tos niam nkauj hnub
Tam hnub qub ci lub ntuj kaj
Mas hais ncaj kuv yeej nco koj...tiag hos...

Subject: Re: Kuv cov paj huam Mon Mar 30, 2015 2:23 pm

Nyob zoo os SKM zoo siab uas pom SKM
Tuaj sau paj huam kho siab khuav li no ua rau
NkaujSeeYees kho kho siab

Kuv cov paj huam Addemo10

Tsis pom qab seev vim xav seev phim

Los ho twb tsis txawj thiab os os SKM
Koj nyob rooj teb qhov twg tuaj ne yom hmoob

Subject: Re: Kuv cov paj huam Mon Mar 30, 2015 11:38 pm

Subject: Re: Kuv cov paj huam Tue Mar 31, 2015 10:36 am

NkaujSeeYees wrote:: Nyob zoo os SKM zoo siab uas pom SKM
Tuaj sau paj huam kho siab khuav li no ua rau
NkaujSeeYees kho kho siab

Tsis pom qab seev vim xav seev phim
Los ho twb tsis txawj thiab os os SKM
Koj nyob rooj teb qhov twg tuaj ne yom hmoob

NkaujSeevYees

SKM ces tsuas yog ib leej nus xav so cov muam Hmoob
lub kua muag xwb os. Twb tsis txawj sau paj huam lam
tuaj xyaum xwb. Yog tsis xav li cas no los peb lam sau
ua si os mog.

" TSHAJ TAWM KEV TUAJ YOS "

Ntawm no mus yog lus tshaj tawm
Me muam ntxawm koj txhob poob siab
Kuv tuaj tshiab yeej nyob tsis deb
Yam thaj teb leeg nyob ib sab
Xav tuaj pab txhawb nqa nej zos
Cia nej los peb ho sib tham
Nyob ib tsam ua phooj ua ywg
Ib hnub twg sij hawm mus dhau
Yog nco tau zeem kuv ua nus
Mam ntim su rau leej muam mog
Mus nco txog thuav su los noj
Muab xav zoj tias yog leej twg
Tej phooj ywg muab xav kom txhua
Txoj kev tshua muab nco kom thoob
Nce nto roob mam tsa muag ntsia
Kauv sai dhia ua kab lwj hlaw
Pom hneev taw los hla ib vuag
Tsa qhov muag coj los mus saib
Mam nco laib tias me nus ntxawg
Yog koj kawg kuv nco tau lawm
Me muam ntxawm mam tig xav txog
Ntawd ces yog kuv los mas....NakujSeevYees...hahaa...

Subject: Re: Kuv cov paj huam Tue Mar 31, 2015 4:46 pm

Subject: Re: Kuv cov paj huam Tue Mar 31, 2015 6:41 pm

Aib... NcoKojTasLi Cas koj nrawm ua luaj kuv twb xav ntshe kuv nrawm no koj tseem xub muab nkauj Mus ua tau los mloog lawm hahaha tso nkauj kho kuv siab dhau os los Cia kuv ho tso 1 zaj rau peb Mloog ua ke yom Leej nus hmoob aw...NcoKojTasLi Koj thiab na SKM Sau paj huam zoo heev li tiag .ua Tsaug thiab yom khoom mam rov tuaj nrog koj sau nawb mog .

Subject: Re: Kuv cov paj huam Tue Mar 31, 2015 7:43 pm

Yog ma, NkaujkabXi

Kuv twb tau mloog lawm ma, nws yoojyim rau kuv mus muab tso rau hauv Ehmongmusic.org lawm ma.

Subject: Re: Kuv cov paj huam Wed Apr 01, 2015 9:59 am

Puas kam qhia kuv ua Ehmoob Music thiab ma los NcoKojTasLi.cas koj keej txhua yam li os yog kuv lam muaj hmoo.???ab hmoo dab tsi ne hehe kav liam txhob hais mam ntxhi rau rau koj thaum wb tau sib ntsib yom .Qhov tseeb yog kuv xav paub ua txhua yam li koj xwb na los oj ma tshaj lij heev li tiag hehe
Koj kuj Bz heev li os los tsis tuaj sau kev hlub kev nco pub kuv li na los .Ab ntshe hauv koj lub siab twb xam tsis muaj NkaujSeeYees nyob ho?haha tso dag xwb os mog ....NcoKojTasLi..los wb pauv Aloom mloog nkauj seb los Koj thiab ov SKM los peb lom zem ua ke seb....

Subject: Re: Kuv cov paj huam Wed Apr 01, 2015 10:29 am

SKM wrote:

NkaujSeeYees wrote:: Nyob zoo os SKM zoo siab uas pom SKM
Tuaj sau paj huam kho siab khuav li no ua rau
NkaujSeeYees kho kho siab

Tsis pom qab seev vim xav seev phim
Los ho twb tsis txawj thiab os os SKM
Koj nyob rooj teb qhov twg tuaj ne yom hmoob

NkaujSeevYees

SKM ces tsuas yog ib leej nus xav so cov muam Hmoob
lub kua muag xwb os. Twb tsis txawj sau paj huam lam
tuaj xyaum xwb. Yog tsis xav li cas no los peb lam sau
ua si os mog.

" TSHAJ TAWM KEV TUAJ YOS "

Ntawm no mus yog lus tshaj tawm
Me muam ntxawm koj txhob poob siab
Kuv tuaj tshiab yeej nyob tsis deb
Yam thaj teb leeg nyob ib sab
Xav tuaj pab txhawb nqa nej zos
Cia nej los peb ho sib tham
Nyob ib tsam ua phooj ua ywg
Ib hnub twg sij hawm mus dhau
Yog nco tau zeem kuv ua nus
Mam ntim su rau leej muam mog
Mus nco txog thuav su los noj
Muab xav zoj tias yog leej twg
Tej phooj ywg muab xav kom txhua
Txoj kev tshua muab nco kom thoob
Nce nto roob mam tsa muag ntsia
Kauv sai dhia ua kab lwj hlaw
Pom hneev taw los hla ib vuag
Tsa qhov muag coj los mus saib
Mam nco laib tias me nus ntxawg
Yog koj kawg kuv nco tau lawm
Me muam ntxawm mam tig xav txog
Ntawd ces yog kuv los mas....NakujSeevYees...hahaa...

SKM koj ma tshaj lij kawg li os Sau paj huam zoo ua luaj NkaujSeeYees twb tsis paub sau paj huam ne los zoo siab nawb mog me nus ntxawg uas tseem tuaj pab sau tej paj huam zoo zoo li no pub Peb nyeem nawb mog sau tau zoo heev li xav kom SKM tuaj sau ntxiv na los .khoom no rov tuaj sau kom ntau pub cog cia hauv Hmong tiam 23 tau khaws cia ua dab muag os mog tus nus zoo skm kuv mus nrhiav tsis tau zoo nkauj los pub koj mloog lam mloog zaj no seb koj puas nyiam os los '

Leej nus me ncauj liab

.NkaujseeYees hnov koj seev li no sov sov nkaujseyees siab

Me leej nus siab dawb ua tsaug nws me lus txhawb

Xav kom muaj nws tuaj nyob sov vaj sov tsev

Hnub tsis ntev ces twb mus dhau hli

tus duab ci yuav tshav ntsa tshiab.

Yog muaj me nus ntxawg ncauj liab "

lam yog muaj tseeb 1 hnub twg sib ntsib mam seev kev thaj yeeb

Koj nim seev ncha lug rau kuv nkaujseeyees tej me hlab plawv

Tiam no peb yuav nyob ua khub zaum ua ke tsis muaj hnub pawv"

Txhob mus ntsiag moo txawj seev txawj saub li koj

Yuav ua lub me paj teeb ntsa li oo..

Rau tiam 23 lub nroog os me leej us hmoob aw.

Tsis paub yuav ua koj tsaug li cas

Yog muaj tseeb 1 hnub twg sib ntsib mam pauj koj kev zoo kom tas

Ua tsaug os SKM kuv tsis paub seev li koj mog

Lam sau dog dig pauj koj lub me sij hawm thiab txiaj ntsi xwb

Zoo siab uas muaj koj tuaj ua tiam 23 luag nyob zov zos

Khoom no rov tuaj nawb yom tus me nus ntxawg ..a"

Kuv cov paj huam Clickh10

Subject: Re: Kuv cov paj huam Sat Apr 04, 2015 11:21 am

Ib sim neej yug los tiam no
Kuv tsuas nco tau koj ib leeg
Kev ua neeg txawm coob thiab tsawg
Txhua leej npawg puas leej paub koj
Lawv thiaj soj txhua txoj ncauj ke
Xav tias ntshe nws yog tus tshiab
Hauv koj siab yuav hlub leej twg
Ua phooj ywg nrog tas txhua leej
Koj kuj keej txawj ua yees siv
Luag hiv hiv rau ub rau no
Raws kuv nco yog tias muaj tseeb
Cia muab feeb kom puv txheej txheem
Tus neeg seem zoo li kuv no
Koj tsis nco tsuas lam ntxias dag
Txawm yav tag thiab tam sim no
Los kuv nco yeej tsis yuam kev
Ncaim mus ntev hloov ua tus tshiab
Lub tseem ntsiab koj tsis kam qhia
Puas nco cia tias yav thaum ub
Txoj kev hlub wb tau muaj los
Kuv tseem tos los txog hnub no
Kuv tseem nco koj lub suab quaj
Yav nyob ruaj ntau xyoo dhau mus
Kuv leej nus yeej hlub koj tshaj
Mas hais ncaj tsuas tshuav ib yam
Tsis zoo tham thiaj qhia tsis tau
Txhob lam npau khiav ua loj leeb
Muab hais tseeb ntshe tsuas yog kuv
Thiaj li uv txhua hnub txhua hmo
Rov los nco koj lawm xwb tiag
Yog qhia kiag tsam ntiaj teb tawg
Hmoob leej npawg ho paub wb txhua
Txoj kev tshua zais cia nruab siab
Lub neej tshiab yog wb hmoov txog
Koj tau yog kuv tus hlub tiag
Kuv mam nyiag qhia koj txhua yam
Tsis pub plam mus tag ib sim
Tsis pub chim lub neej tiam no
Thov txhob tso kuv nyob ib leeg nawb mo....!!!!

Subject: Re: Kuv cov paj huam Tue Apr 07, 2015 10:23 am

Wow,, SKM koj tsis dog dig hais txog kev sau paj huam .Tshaj lij tiag tiag li sau tau zoo kawg os los kuv Thov ua koj tsaug thiab os uas tuaj sau paj huam kho siab ua luaj rau peb nyeem mog .Yog khoom no Rov tuaj sau kom ntau nawb los welcome tos nyeem ntxiv os cas muaj kev hlub kho siab npaum ko ntag los SKM tus nraug hmoob tshaj lij ...aw....muab me ntsis khoom plig ua koj tsaug rau lub sij hawm muaj Nuj nqes nawb mog los ....

Subject: Re: Kuv cov paj huam Thu Apr 09, 2015 7:52 am

Kev Hlub Nyob Deb

Txoj kev hlub uas nyob kev deb
Yam thaj teb lam ntaus moos phua
Rau luag ua yus hais tsis tau
Ntov ntoo vau yus mam mus hais
Luag tsis txais teb hlawv du lug
Zaum tib tug tam daum raug xub
Lam yws ub yws no xwb tiag
Nyob ib pliag luag hlawv teb tas
Tsis ua cas cia mam tos cog
Mam mus nrog luag sib txeeb rau
Thaum luag npau ntsej muag dub nciab
Mam ua siab tso rau luag yuav
Nyob ntu puav mam rov mus tos
Cia li los ntsej muag nphob xuav
Raug luag yuav mus tag ib sim
Mam mob ntsim tuaj rau nruab siab
Lub neej tshiab mus tu luag tub
Rau luag hlub yug ntxhais luag yuav
Yus xyuam khuav nyob ib sab ntuj
Siab ya yuj nco nws tas li
Tawm ua si thaum pom nws tuaj
Yus tseem quaj hos nws ho luag
Muab xav txhua yus txoj kev hlub
Yav thaum ub cas tsis tsim nyog
Muab xav txog thaum yus puag nws
Cev tes plhws pw yus xub ntiag
Nws quaj ncia ib los tsis hais
Thaum nws pais tau lub neej zoo
Nrauj yus loo yeej tsis lees paub
Yam tej zaub muab nchuav pov tseg
Kev hlub veg rau nram hiav txwv
Cia yus khwv pub rau luag noj
Muab xav zoj tu siab tshaj plaws....li tiag!!!!

Subject: Re: Kuv cov paj huam Thu Apr 09, 2015 7:58 am

NkaujSeevYees.....

Kuv ces lam tuaj qw kom poj ntxoog
tsis txhob lom hem nej xwb os. Li cas los
vam tias koj thiab tsoom phooj ywg
yuav tsis xav li cas mog.

Ua tsaug rau koj tej nkauj uas zoo zoo os
Yog tseem muaj lub zos no cia kuv mam ho
tuaj ncig nrog nej ua sib nawb mog.

Subject: Re: Kuv cov paj huam Mon Apr 13, 2015 8:22 am

Txoj kev hlub ntawm tus txiv noog

Ua yog toog nco ntsoov tus niam

Xav ntsoov tias yuav hlub nws xwb

Hauv lub hlwb tsis muaj lwm tus

Thiaj tau mus nqa txiv los pub

Txoj kev hlub npaum li no lau

Tseem tsis txaus tus niam tseem chim

Luag haws him mus nrhiav tus tshiab

Tu txiv siab thiaj ua siab tuag...em lawm xwb tiag!!!!

Lub caij uas txiv noog tuag tas

Niam xeev ras pom txoj kev hlub

Txiv noog pub rau noj txhua zaus

Mam xav txaus txiv noog dua toj

Muab xav zoj tias cas yuam kev

Los txog tsev me zes nphob tsus

Mam ya mus rau tej qub chaw

Pom hneev taw nphob xuav xwb tiag

Thiaj seev kiag kuv me txiv noog

Ua yog toog npau suav pom koj

Lub caij noj nco koj ib zaug

Caij ntuj tsaug uas te sam khub

Txoj kev hlub wb muaj dhau los

Cas tsis tos kuv nrog koj mus

Tej noog qus pib cem nplawg ntia

Aib pog ntsia kuj ntxim txaj muag

Npo pa tuag lawv txiv noog qab lawm xwb tiag!!!!

Subject: Re: Kuv cov paj huam Tue Apr 14, 2015 10:36 am

SKM leej nus tshaj lij Cas es sau paj huam zoo ua luaj os
Es poj noog dua twg lawm ma los haha cas kuv ho tsis yog tus poj noog ntawv cia kuv nyob nrog tus me Nraug noog ntawv mus tag tiam os los SKM koj ma seev sau kho kho kuv siab

Es kuv twb tsis paub sau pub koj nyeem .Sau los sau ua kab ua kev hais tsis muaj ntsis xaus tsis muaj Paus hahaha cia mam muab koj ti npe ua NraugNoog Tshaj lij no los ma los?

Ab sim neej no kuv lam txia tau mus yog tus me nkauj noog hauv koj zaj paj huam no ma kuv yuav nyob Tsis nco tsis khiav nraug noog mus ib sim os nawb"

Hey post li no tsis zoo nkauj li qhia kuv 1 qho code uas post duab thiab ntawv nyob 1 sab pub kuv os los SKM?

Subject: Re: Kuv cov paj huam Wed Apr 15, 2015 10:19 am

Zoo siab koj tuaj nrog xauj os, cia kuv mam sau txog nas txog noog
xwb thiaj yuav tsis mob hlwb os....hahah

Subject: Re: Kuv cov paj huam Mon Apr 20, 2015 4:00 pm

Nyob zoo os SKM koj mas txawj sau paj huam kawg li os Vim li cas ua rau lub siab mob heev mob ncus kawg li nab?kuv nyiam koj cov paj huam kawg li tiag.Cas kuv tsis paub sau es sau twb tsis zoo nyeem Thiab phim koj .Cia kuv mam rov tuaj sau 1 zaj pub koj txog nkauj nraug txoj me kev siab hlub es tsis sib Tau nawb los .Ua cas zoo nkau li SKM ntxhov ntxhov siab es mus ntev ntev mam tuaj 1 zaug xwb es muaj Dab tskhuam tes khuam txoj hauv kev na?Zoo siab tau rov tuaj nyeem Zaj pajhuam no zoo kawg li na los SKM tus muaj zoo laj lim .Mus lawm es mam sib ntsib dua mog vam tias rov tuaj yuav tau nyeem 1 zaj Tshiab yom lawv tej tub tus me tshaj lij ...a" Tso zaj nkauj no ua kev lom zem rau koj os SKMtxhob xav li cas nawb los ...........

Subject: Re: Kuv cov paj huam Mon Aug 03, 2015 3:58 pm

Tus pojniam nyob rau hauv daim video nov ma haib kawg li os, nws yog hom ua nyiam2 txiv neej heev thiab nyiam2 hlub txiv neej kawg. Leej twg lucky heev es tau tus ntawd ne?

Subject: Re: Kuv cov paj huam Tue Aug 04, 2015 6:53 pm

Nyob zoo os NcoKojtasLi...puas nyob zoo ma los ?Nyob zoo rau SKM thiab os cas nws tuaj teeb tau topic cia li khiav lawm nws xav li cas ne tsis kam tuaj nrog peb nyob li ntshe nws tus hlub muab nws ntswj pob ntseg lawm pob?hehe JK xwb os .NcoKojTasLi tus pog ko kuv paub nws zoo ma yeej yog li koj hais nws yog 1 tug poj niam muaj peev xwm heev ma kuv yeej thov qhuas nws ntag hos.xam maj liab qab tso fb li hov heheeh

Subject: Re: Kuv cov paj huam Tue Aug 04, 2015 7:45 pm

haaaa e nws yog tus zoo li ca nyob fb ma? kuv xav pom nws qhov khoom saib pua zoo li koj qhia kuv thiab na? kuv tsi paub hauv fb lub profile yog lub twg, can you link to me? I love to watch.. haaaaa

» Tham Dab Neeg(Sab Sij Huam) & Lwm Yam Experience Tau Nyeem Lom Zem.