Subject: Nco Nkaujkabxi Kawg Li Sun Nov 08, 2015 5:02 am
First topic message reminder :
Nco Nkaujkabxi Tuag Nthi.
Nco koj heev..........nas Nkaujkabxi
Nco kawg li..........nkauj hmoob ntxim hlub
Nco txhua hnub..........txhua hmo tsis ploj
Nco ntsoov koj..........nruj nraim nruab siab
Tag ib txhiab..........ib txhis los nco
Sim neej no..........nco koj heev dhau
Yeeb vim tau..........koj tus dab hlub
Hmo thiab hnub..........thiaj nco tsis tseg
Plawv tshuav nres..........vim Nkaujkabxi
Nco kawg li..........hmoob niam leej ntxhais
Yog yuav hais..........txog txoj kev nco
Sim neej no..........tsis muaj hnub xaus
Nyob tsis taus..........vim nco heev dhau
Zaum tsaws npau..........vim nyob deb deb
Rau rooj teb...........ntxeev ntuj nraum ub
Tsis tau hlub..........thiaj zaum tsaws chim
Siab mob ntsim..........npaum kua txhob pleev
Nws mob heev..........npaum cuag las ntsev
Vim txoj kev..........nco Nkaujkabxi
Nco kawg li..........nco tsis tshaj kuv
Chim siab xuv..........yeeb vim nyob deb
Leeg rooj teb..........tsis tau sib cuag
Chim tshuav tuag..........tshaj plaws tiam no
Cas yuav nco..........nkauj hmoob li koj
Plawv tsis ntoj..........lawm tsheej tav su
Siav tshuav tu..........lawm tsheej qas hnub
Vim ntshaw hlub..........me Nkaujkabxi
Ntshaw kawg li..........nkauj hmoob ntxim tawb
Neeg siab dawb..........kuv thiaj ntshaw yuav
Hlub tsis dhuav..........yog tau koj puag
Zoo npaum cuag..........pov haum 9 ceg
Plhws tsis tseg..........txhua hnub txhua hmo
Sim neej no..........tsis tau nco dua
Tsis tau tshua...........leej twg npaum koj
Nco tsis ploj..........txhua vib nas thi
Nco tas li.........tsis ploj nruab siab
Yam tshuaj iab..........lom kuv nplooj plawv
Mob lub qawv..........hauv kuv nruab nrog
Vim uv npog........tsis tau lawm tiag
Thiaj li nyiag..........tham qhia koj paub
Thiaj seev saub.........hais kom koj hnov
Tsis ntshai nrov.........tsis ntshai txaj muag
Kuv kawg tuag..........yog tseem nyiaj ntxiv
Cas ntuj chiv..........leeg nyob sab ntuj
Siab thiaj yuj..........plawv thiaj li ya
Saum ib nta..........xws tauv huab dawb
Neeg ntxim tawb..........li Nkaujkabxi
Kuv thiaj li..........nco ua luaj tiag
Nco kawg kiag.........nkauj hmoob zoo lus
Me leej nus..........tus nyob kev dav
Nplooj siab fav..........tsis xav tab cuab
Vim yog muab.........nco nws heev dhau
Thiaj ua rau..........kuv nplooj siab mob
Npaum xub chob...........kuv 4 nplooj ntsws
Hau kev tws..........lawm Nkaujkabxi
Kuv thiaj li..........seev tawm tuaj qhia
Kheev lam txia.........tau li siab xav
Yuav txia nthav..........ua me noog ya
Ya ncaj qha..........tuaj cuag tam sim
Cas yuav chim...........kuv siab ua luaj
Tsa suab quaj........los siab tsis nqig
Ntuj puas tig..........wb los sib ntsib
Kom tau pib..........txoj me kev hlub
Ntuj puas pub..........wb los sib cuag
Puas tau puag..........ua tshuaj kho mob
Puas tau nyob..........pw koj xub ntiag
Pw nthi kiag..........hauv koj nqaws tsho
Sim neej no..........zoo siab tshaj li
Nkaujkabxi..........hmoob tej ntxhais e
Tiam no ntshe..........tsuas tau txij no
Tau lub nco..........tshua ua kev mob
Tsis tau nyob........pw koj 1 sab
Pw koj npab lawm os Nkaujkabxi hahahahaha.
Lam sau fun ua si xwb thov txhob xav li cas & ho zam txim pub nawb Nkaujkabxi
Ua Tsaug.
Last edited by Only_You on Tue Nov 10, 2015 12:56 am; edited 1 time in total
Author
Message
NkaujKabXi
Posts : 457 Join date : 2015-03-22
Subject: Re: Nco Nkaujkabxi Kawg Li Tue Feb 02, 2016 12:03 am
Nyob zoo os OnlyYou......... Ua tsaug uas nws tseem tuaj sau lus tseg thiab noog moo os OnlyYou nej tsis tau raug no npaum li peb nyob USA dua ntshe zaum no yog 1 zaug uas no tshaj plaws li puas yog.Cas hlub nej kawg li os lov NN
Cas yuav nyob 1 sab ntuj ces txawm hlub thiab txhawj sawv daws kawg li los Twb pab tsis tau li os mog .Zoo heev uas hnov nws tias txhua tus puav leej nyob zoo thiab ok ces zoo
Siab mog.NN koj cov me nyuam kids me me heev li e saib xyuas kom zoo nawb mog lwm hnub khoom mam los Saib nej nawb los zoo siab nws tseem qee lub me sij hawm muaj nqes tuaj sau lus nrog txhua tus nawb mog .Pom nyuj twm tuag tuag es nyaj koj cv ne ok pob los Pab koj txhawj lawv thiab os NN
Nraug Huab Cua
Posts : 233 Join date : 2015-04-24
Subject: Re: Nco Nkaujkabxi Kawg Li Wed Feb 03, 2016 2:25 am
Nyob zoo hnub tshiab dua os Nkaujkabxi,
Zoo siab & ua tsaug ntau rau Nkaujkabxi cov lus zoo lus txhawj xeeb txog Only_You, tej tsiaj txhua & txhua tus mog. NN cov nyuj kuj tsis tuag os, vim sab tom NN cov nyuj nyob(qub zog) no xwb ho tsis los snow li yav nram Nong Het & Sumnue sab pev, tsuas los te xwb NN cov nyuj mus nkaum hauv hav xub ntoo lawm kuj tsis ua cas.
Ua li os KN lwm hnub muaj caij no ho los saib 3 teb chaws tojsiab no 1 zaug mas los.
Sib ntsib dua.
tubzoonraug
Posts : 512 Join date : 2015-03-10
Subject: Re: Nco Nkaujkabxi Kawg Li Wed Feb 03, 2016 7:11 pm
Nkaujkabxi thiab Only_You
zoosiab ua 3 muaj chaws tuaj tso pas lom zem rau hauv HmongTiam23 nov ma zoosiab kawg li os, txawm li ca lo tsuav muaj chaws rau peb tuaj sib ntsi ce yog ib qhov zoo lawm.
NkaujKabXi
Posts : 457 Join date : 2015-03-22
Subject: Re: Nco Nkaujkabxi Kawg Li Tue Feb 09, 2016 1:43 am
Nyob zoo os OnlyYou .. ThaibNcoKojTasLi........... NkaujKabXi zoo siab tau ntsib neb hauv no 1 yam thiab mog.Cas zoo li peb tsis tshuam sib ntsib kiag li os lov?1 tug tuaj 1 tug twb dhau mus lawm .peb ces sib txauv kev taug tas li xwb tiam no ntshe laj muaj sij hawm tau nstib li lawm lauj los Li cas lov tsuav neb noj qab nyob zoo xwb mog ncokojtasli Thiab OnlyYou..
tubzoonraug
Posts : 512 Join date : 2015-03-10
Subject: Re: Nco Nkaujkabxi Kawg Li Tue Feb 09, 2016 4:54 pm
Nyob zoo NkaujKabXi thiab Only You.
Ua tsaug rau koj txoj music os, Lee Pheng yog tus hus sub ca ho yog Lee Tho hus ne? haaa
Subject: Re: Nco Nkaujkabxi Kawg Li Fri Feb 12, 2016 7:41 am
Nyob zoo os NcoKojtasLi thiab OnlyYou...
Zoo siab rov los hais lus rau neb ntawm no os cas 1 tug ploj 1 tug tuaj ua rau tsissib ntsib hlo li os lov,NcoKojTasLi ntshe yog lee toj muab lis pheej nkauj hu pob cas kuv xav ntshe yog li pheej xwb no ma
Subject: Re: Nco Nkaujkabxi Kawg Li Sat Feb 13, 2016 12:54 am
Nyob zoo Nkaujkabxi & Nco Koj Tag Li,
Zoo siab rov tuaj ntsib neb ntawm no dua os nkawv.
Valentine's Day twb los txog lawm, kuv thov kom neb thiab family txhua tus tsuas ntsib kev noj qab nyob zoo & lom zem txhua sij hawm mog. Thov kom Valentine xyoo no neb tsuas tau kev hlub puv npo raws siab xav nawb los.
Valentine Xyoo No Tsis Muaj Koj.
Vas Lees Thais(Valentine)……….xyoo no los txog
Kua muag nrog……….lawm tej sib niab
Me nplooj siab……….vim tsis muaj koj
Zoo li txoj…........sia no yuav tu
Siab mob ncus……….vim nyob nrug deb
Leeg rooj teb……….uas hlub tsis tau
Siab mob npau……….npaum dej kub hlab
Noj tsis qab……….pw los tsis tsaug
Kev nkauj nraug……….uas tsis koom zos
Thiaj hlub los……….ua lub chaw tshua
Zoo tam ntua……….hauv me tshuaj iab
Lom nruab siab……….nruab plawv lwj tag
Hais tsis dag………..mob npaum riam chob
Ua neeg nyob……….kuag neej kuag dab
Ua neeg npab……….thawm niaj thawm xyoo
Niaj hnub nroo……….txog kuv nplooj siab
Lub xyoo tshiab………..Valentine no
Kheev lam ho……….tau nyob ze koj
Tau pw zoj……….hauv koj xub ntiag
Tau puag kiag……….koj rau npoo txaj
Yuav zoo tshaj……….txhua yam tiam no
Cas yuav nco…………koj tshaj plaws ntais
Valentine……….xyoo no nphob xuav
Tsis tau tuav……….nkauj hmoob txhais tes
Xyoo no ces……….yeej tsis lom zem
Txoj hmoov phem……….tsis tau koj hlub
Nyob rau hnub……….Valentine’s Day
Xyoo no ces……….kuv no nplooj siab
Pos huab niab……….los nag xauv npo
Yeeb vim yog………. tsis muaj koj nyob
Zoo tam kob……….nag los tsis dua
Siab mob cuag……….npaum hluav taws kub
Vim tus hlub……….nyob ntuj kev deb
Rau rooj teb……….ntxeev ntuj nraum i
Kua muag si……….hnub Valentine
Niam leej ntxhais……….tus kuv hlub e
Lam nyob ze……….koom zej koom zos
Ntshe hnub no……….yuav hlub koj heev
Yuav tsis kheev………..koj nrug 1 taws
Puag koj rawv……….ib hnub tsaus ntuj
Kuv li txuj……….ntawm txoj kev hlub
Sau hlo pub……….6 koj hnub no
Tsis tseg hlo……….cia rau lwm tus
Me leej nus……….nyob deb koj lawm
Ces tsuas kawg……….seev ua lus taum
Tso rau saum……….nkauj huab niam cua
Ua chaw tshua……….lawm xwb os mog
Lwm tiam yog……….wb txoj hmoov sawm
Kev txij nkawm……….rais ua muaj tiag
Mam puag kiag……….hlub pauj tiam no
Mam sau hlo………..kuv txoj kev hlub
Tseg cia pub……….koj 1 leeg nkaus
Hlub kom txaus……….li wb siab ntshaw
Hlub ntawm taw……….ti nkaus taub hau
Hlub kom tau………li koj siab nyiam
Mog nplooj siab tus neeg kuv tshua e!!!
Maj maj es lam sau lwj sau liam xwb thov zam txim pub os nkawv.
Subject: Re: Nco Nkaujkabxi Kawg Li Sun Feb 14, 2016 9:51 am
Only You Ua tsaug zaj paj huam os mog cas yuav sau zoo ua luaj ua tsaug nab lov txawm tias OnlyYou yuav nyob deb npaum twg los tseem yuav nqa lo me lus zoo tuaj deev NkaujKabXi lub siab es ua tsaug daim card HappyValentin'sDay os mog..NcoKojTaslI koj los 1 yam thiab thov kom Valentin's Day nyob kaj siab lug nrog txoj kev hlub ntawm koj 1 sab mog ....
Subject: Re: Nco Nkaujkabxi Kawg Li Wed Feb 17, 2016 2:04 am
Nyob zoo bro Nco Koj Tag Li & Nkaujkabxi,
Lub Valentine dhau los no neb puas lom zem thiab na los? kuv ces tsis lom li os nkawv.
Nco Koj Tag Li: ua tsaug ntau os. Nkaujkabxi: Aws tsis ua cas os, leeg nyob sab ntuj deb twb npaj tsis tau dab tsi 6 koj ua kev zoo siab tam txoj kev phooj ywg sib paub li os, tsuas yog sau tau zaj poem dog dig no xwb thov zam txim pub thiab mog. Ua tsaug koj daim Card thiab nawb los.
Subject: Re: Nco Nkaujkabxi Kawg Li Mon Feb 22, 2016 1:47 pm
Nyob zoo os OnlyYou tus nraug hmoob nyob deb... Ua tsaug nws tsee m siv lub caij lub nyoog los sau paj huam pub nkaujkabxi thiab ua tsaug ntau ntau tsis muaj yam piv tau nws lub me siab qab zib li os mog OnlyYou tus nyob deb
OnlyYou puas nco kuv tiag tiag Hnov nws lub me suab npliag hais seev yees nco nco nkaujkabxi Puas yog ci niam maum pob zeb rau nkaujkabxi zov. Twb tsis hais siav hlib npaum twg los twb tsis hnov sob
Ntuj yuam me nraug hmoob Nrhiav ntiaj teb thoob los tsis muaj tus hais zoo npaum OnlyYou Lam yog koj tsis tau muaj tus ces cia kuv muab koj pus nrog kuv ya Cia kuv nqa koj mus nrog kuv nyob 1txhiab 1 txhis'
Tsis pub koj tshaib tsis cia koj nqhis Yas ab kaujkabxi xav zaj twg los nim hloov tsis tau lub sij hawm rov NkaujKabXi nim chim chim quaj ntxhi hu los OnlyYou tsis hnov
Tiam no ces txhoj kev hlub tshua yuav nconco tsis muaj caij nres Vim yog nws muaj txwj muaj nkawm tuav rawv nws tes Txawm quaj tshav muag tawm los nws muaj tus hlub tsu
Tsis yog txoj hmab los txoj hlua NkaujKabXi muab nws chua mus yog nkaujkabxitug thiaj nkaujkabxi li Ntshe yuav nco onlyYou mus tag 1 txhis os me leej nus hmoob
NkaujKabXi tsis paub sau los lam seev rau .. Tias nkaujkabxi yug los hmoov tsawg tsawg wb thiaj koom tsis tau 1 nkawm NkaujKabXi yuav chim mus tag 1 sim neej laus taws
Tiam no tsis tau koj ces nkaujkabxi laj ua lub neej xaus Zaum no ces rau rau siab mus leg nws lub me neej kom ci ia txhob tsaus NkaujKabXi ces mam zoo tam me kabme noog xi lub ntujtshiab tawm ntuj tsaug
Txawm wb yuav nyob deb 1 rooj teb mus tsis txog Hnub nkaujkabxi txoj sia tu thov 1 xa 1moo tuaj hlub nco. Txawm wb 1 leeg nyob 1 rooj teb deb deb ncav tes tsis cuag los
Thov xa 1 lub suab quaj suab seev tuaj ua kuv luag os me leej nus hmoob Zoo siab nws zaj me lus hlub tshua Sib ntsib dua os OnlyYou......
Subject: Re: Nco Nkaujkabxi Kawg Li Tue Feb 23, 2016 9:15 am
NKaujkabxi, thiab Only_You, Nyob zoo rau neb 2 leeg nawb, xyov peb tej niag forum nov e tsi tshua muaj neeg nyian lo yog li ca thiab, kuv saib ma Hmongza lub twb tsi zoo thiab na, tim si neeg ma mus tom coob tshaj plaws xwb ne, tom lub tod e ua twb tsi tshua tau HTML li thiab, tej yam yus xav ua lo twb ua tsi tau.
Yog li ma kuj tsi paub sawv daws ho nyiam.
NKaujkabxis, ua tsaug rau koj daim gif, nws zoo kawg li thiab tiag, kuv sim muab tso ntawv rau no kuj zoo kawg li thiab os.
Subject: Re: Nco Nkaujkabxi Kawg Li Wed Feb 24, 2016 2:33 pm
DavDub cas koj ua tau animate haib kawg li Ua kom ntau ntau pub peb saib nawb los yog nagtshia xav xyaum koj puas kam qhia nagtshia paub nab zoo nkauj kawg li tsua yog koj tsav luv fais ceev dhau lawm xwb na ua koj qeeb me me puas tau thiab ma
Home 
Calendar
NKaujkabxi, thiab Only_You,